मला पाहुनि मनी हर्षणारं,
पाहताच मला गालात खुलणार !
शब्द माझे आपुलकीन ऐकणारं,
वाटतं मला कुणीतरी असावं !
भावनांस हृदयीच्या अंतरी जाणणारं
हाकेस माझ्या प्रतिसाद देणारं !
मुक्तपणे मला सर्व सांगणारं
वाटतं मला कुणीतरी असावं !
निरव चांदण्यात मजबरोबर फिरणारं
विश्वासानं हातात हात देणारं !
प्रत्येक कार्यात प्रोत्साहन देणारं
वाटतं मला कुणीतरी असावं !
कल्पनांस मम फुलासम फुलविणारं
यशात माझ्या आनंदून जाणारं !
संकटी एकट न सोडणारं
वाटतं मला कुणीतरी असावं !
मनात माझ्या सदैव आठवणारं
अंतरी सतत मला स्मरणारं !
प्रवास जीवनाचा सुसह्य करणारं
वाटतं मला कुणीतरी असावं !
----संजय कुलकर्णी.
No comments:
Post a Comment